Vense de publicar a nova versión do Observatiorio IUNE cos datos da actividade investigadora das universidades españolas,
tanto públicas como privadas, baseados en catro grandes indicadores: produtividade,
colaboración, impacto da investigación e visibilidade. O informe do 2020
presenta os datos que abarcan do ano 2009 ata o 2018, ambos incluídos. Pódese
consultar a metodoloxía empregada para a súa realización na seguinte ligazón.
Como cada ano, presentamos os datos de rendemento
da UDC para cada un dos indicadores especificados, coa fin de ver a súa
evolución grazas á comparación cos informes precedentes. Hai que ter en conta,
como xa fixemos constar no post para o informe do
2019, que desde a edición pasada non se rexistran automaticamente os datos dos
Institutos de Investigación Sanitaria e/ou Biomédica, xa que, segundo se indica
na Nota metodolóxica, estes
considéranse consorcios dos que as universidades non son totalmente
responsables, aínda que formen parte deles.
Así, na seguinte táboa, de elaboración propia, amósanse
os resultados da UDC para cada un dos puntos de avaliación que toma como
referencia o IUNE, segundo as estatísticas que se obteñen da base de datos Web
of Science:
A continuación, ofrecemos a
comparativa xeral da clasificación nos diferentes indicadores entre o informe
deste ano e o anterior:
Os números en vermello indican os
puntos onde baixou a posición. Polo xeral, esta baixada non é demasiado
indicativa, dada a proximidade temporal dos datos analizados, especialmente no
que concerne as citas, e o comportamento do resto das universidades, que
evidentemente provoca fluctuacións dun ano para outro. De feito, se se observan
os datos, pódese comprobar que os valores para cada indicador van subindo
practicamente cada ano. Cabe destacar, con todo, a baixada de 5 puntos na
colaboración nacional, que si podería indicar un cambio de tendencia, pero
haberá que esperar a informes posteriores para saber se esta se consolida ou
non.
No hay comentarios:
Publicar un comentario