IUNE 2021

Vénse de publicar a nova versión do Observatiorio IUNE cos datos da actividade investigadora das universidades españolas, tanto públicas como privadas, baseados en catro grandes indicadores: produtividade, colaboración, impacto da investigación e visibilidade. O informe do 2021 presenta os datos que abarcan do ano 2010 ata o 2019, ambos incluídos. Na mesma páxina web, pódese consultar a metodoloxía empregada.

 Como cada ano, presentamos os datos de rendemento da UDC para cada un dos indicadores especificados, coa fin de ver a súa evolución grazas á comparación cos informes precedentes.

Lembramos unha prevención que hai que ter en conta para a análise: nalgúns casos, nos últimos anos prodúcese unha diminución de valores, non relacionada cun descenso do impacto senón coa proximidade temporal da produción científica analizada. Un reconto posterior ofrecerá valores comparables.

A seguinte táboa resume a evolución da produción científica da UDC nos diferentes indicadores mediante a evolución dos rankings respectivos:  

 

A UDC sobe en todos os valores con respecto a 2020 agás no apartado do número de publicacións en primeiro cuartil.

O informe IUNE estuda tamén:

• O recoñecemento: premios nacionais e sexenios obtidos.
• A innovación: o número de patentes, o importe de contratos I+D e consultorías, o importe facturado por prestación de servizos, os ingresos xerados por licenzas, o número de extensións PCT e spin-off.
• A competitividade, co reconto dos proxectos nacionais e europeos.
• A financiación, a través dos ingresos xerados pola investigación e os ingresos liquidados por operacións non financeiras.
• A capacidade formativa: o número de becas FPI, FPU, de contratos Juan de la Cierva, de contratos Ramón y Cajal e de teses defendidas.